Кайрлиева Гаухар Ермекқалиқызы экономика ғылымдарының кандидаты, академиялық профессор, "Қазақстан инновациялық және телекоммуникациялық жүйелер университеті"ҰҚУ оқу жұмысы жөніндегі проректоры.
Орал қаласындағы №19 орта мектепті бітіргеннен кейін Орал кооперативтік техникумына оқуға түсіп, оны бітіргеннен кейін Мәскеу Халықтар Достығы кооперативтік институтында білімін жалғастырды.
1986 жылы Мәскеу Халықтар Достығы ордені кооперативтік институтын "тауартану және азық-түлік емес тауарлар саудасын ұйымдастыру"біліктілігімен аяқтады. 1987 жылы жоғарыда аталған институттың педагогикалық факультетін "сауда үрдістері технологиясының оқытушысы"мамандығы бойынша аяқтады.
2003 жылы Мәскеу тұтынушылар кооперациясы университетінде "Қазақстан Республикасында шағын бизнесті дамыту және мемлекеттік қолдау" тақырыбы бойынша экономика ғылымдарының кандидаты ғылыми дәрежесін алу үшін диссертация қорғады.
Кайрлиева Гаухар Ермекқалиқызы өзінің еңбек жолын 1981 жылы бастады, 30 жылдан астам педагогикалық өтілі бар.
1997 жылдан 2001 жылға дейін "Еуразия" Батыс Қазақстан Менеджмент және тілдер институтының сырттай бөлімінің деканы, "КазУИТС" экономика факультетінің деканы (2001-2010 жж.).
2010 жылы "Экономика және ақпараттық технологиялар колледжі" ме директоры болып тағайындалды (2010-2014жж.).
2014 жылдан 2017 жылға дейін "КазИИТУ"ҰОК ғылыми жұмыс және халықаралық байланыстар жөніндегі проректоры.
2016 жылдан 2017 жылға дейін "КАЗИИТУ" ҰОК ректорының м.а., 04.12.2017 жылдан бастап "Қазақстан инновациялық және телекоммуникациялық жүйелер университеті"ҰҚУ оқу жұмысы жөніндегі проректоры болып тағайындалды.
Гаухар Ермекқалиқызы Кайрлиева сыртқы академиялық ұтқырлықтың "Қазақстандық инновациялық және телекоммуникациялық жүйелер университеті" ҰҚУ-да дамуына және одан әрі жетілуіне өз үлесін қосты, соның арқасында соңғы бес жылда Мәскеу, Дубна, Самара және Тольяттидің жетекші жоғары оқу орындарымен берік ғылыми байланыс орнатылды.
Ол жұмысты ғылыми қызметпен сәтті үйлестіреді. ЖОО ішінде, сондай-ақ Қазақстан Республикасы мен Ресей Федерациясының басқа да оқу орындарында өткізілетін халықаралық форумдардың жұмысына белсенді қатысады. Өзінің педагогикалық шеберлігін жетілдіру бойынша үнемі жұмыс істейді. Оның ғылыми мақалалары конференция еңбектерінің жинақтарында және Қазақстан Республикасы мен Ресей Федерациясының мамандандырылған ғылыми журналдарында жарияланады.
Сонымен қатар "мемлекеттік қызметшілерді қайта даярлау, біліктілігін арттыру және мемлекеттік тілді оқыту орталығы"МКҚК штаттан тыс оқытушысы болып табылады.
2006 жылы ҚР Білім және ғылым министрлігінің Құрмет грамотасымен, 2009 жылы "Қазақстан Республикасының Білім беру ісінің құрметті қызметкері" төсбелгісімен, "Ы. Алтынсарин" (2017ж.), 2011ж., 2014ж. ҚР Президенті жанындағы Мемлекеттік басқару академиясында қайта даярлаудан өтті, 2012ж. - Қазақстан Республикасының Президенті Н.Ә.Назарбаевтың Алғыс хаты, 2012ж. техникалық және кәсіптік білім беруді дамыту бағдарламасы бойынша Стамбул қаласында (Түркия) оқыды.
75-тен астам ғылыми жұмыстары бар. 37-ден астам ғылыми-әдістемелік құралдар әзірледі және шығарды.
