{picturewrapper}{/picturewrapper}

Бүгін Мемлекеттік қызмет істері агенттігінің БҚО бойынша департаментінде өңіріміздің ЖОО студенттерін "Жаңа талап" мемлекеттік қызмет мектебіне қабылдау шарасы өтті. Шараны департамент басшысы Мұрат Сейілбекұлы Байсалов мырза ашып, Еліміздегі мемлекеттік қызметтің маңыздылығына тоқталып, қатысушыларға сәттілік тіледі. Университетіміздің "Құқықтану" және "Жергілікті және мемлекеттік басқару" мамандығының жоғары курс студенттері "Жаңа талап" мектебінің тыңдаушысы болып қабылданды. Сонымен қатар, "Құқықтану" мамандығының 3-ші курс студенттері "Ашық есік" күніне қатысып, департаменттің қызметімен танысты. Студенттерімізге сәттілік тілей отырып, болашақта еліне адал қызмет ететін мемлекеттік қызметшілер қатарынан көрінетіндеріне сенімдіміз!
Университет базасында сыбайлас жемқорлықтың алдын алу бағытында семинар өтті

Бүгін Қазақстанның инновациялық және телекоммуникациялық жүйелер университетінде «Жаңару» сыбайлас жемқорлыққа қарсы жалпыұлттық қозғалысы» РҚБ БҚО филиалының ұйымдастыруымен «Жастардың құқықтық тәрбиелеу – сыбайлас жемқорлыққа қарсы дүниетанымның негізі» атты оқыту семинары өтті.

Семинардың мақсаты – арнайы есепте тұрған жастармен және жасөспірімдермен жұмыс жүргізетін мамандардың біліктілігін арттыру және олардың құқықтық мәдениетін қалыптастыру.

Шараға облыстық жастармен жұмыс жөніндегі ресурстық орталық өкілдері, ювеналды полиция қызметкерлері, психологтар және топ кураторлары қатысты.
Семинарда сөз сөйлегендер:
🔹 «Жаңару» қозғалысы БҚО филиалының директоры – Ақсерік Сарыұлы Әйтімов
🔹Орал қалалық полиция басқармасының Абай полиция бөлімінің ҚҚБ ювеналды полиция тобының кәмелетке толмағандар істері жөніндегі аға инспекторы, полиция майоры Суыкбаева Айнур Жанабаевна;

🔹 Орал қаласы полиция басқармасының қоғамдық қауіпсіздік бөлімінің ювеналды полиция бөлімінің бастығы, полиция майоры Хайрушев Аділет Ерболатұлы.

💡Семинар барысында қатысушыларға жемқорлықтың алдын алу жолдары, жастардың құқықтық тәрбиесі мен жауапкершілігін арттыру тетіктері, сондай-ақ девиантты мінез-құлықтағы жасөспірімдермен тиімді жұмыс жүргізудің әдістері түсіндірілді.
Іс-шара соңында қатысушыларға сертификаттар табысталды.

{picturewrapper}{/picturewrapper}

08.10.2025ж. күні Батыс Қазақстан облысы бойынша қаржы мониторингі агенттігінің Экономикалық тергеп-тексеру департаментінің бастамасымен Қазақстанның инновациялық және телекоммуникациялық жүйелер университеті «Құқықтану» кафедрасының қолдауымен университетімізде Экономикалық тергеу қызметінің оқу кабинетінің ашылу салтанаты оздырылды.
Экономикалық қылмыстарға қарсы іс-қимыл саласында студенттерді практикалық даярлау, студенттерге сотқа дейінгі тергеу әдістемесін, заңсыз кірістерді анықтау тәсілдерін, сондай-ақ қаржы-экономикалық саладағы қылмыстарды тергеу ерекшеліктерін зерделеуге мүмкіндік беру. Сонымен қатар, университетіміздің микробіліктілік (микроквалификация) бағдарламасы аясында болашақ экономикалық тергеу мамандарын даярлау мақсатын көздеген іс шараға Батыс Қазақстан облысы бойынша қаржы мониторингі агенттігінің Экономикалық тергеп-тексеру департаментінің басшысы, экономикалық тергеу қызметінің полковнигі Әбенов Асқар Ғабиденұлы, орынбасары Кенжебаев Жандос Садықұлы және Қазақстанның инновациялық және телекоммуникациялық жүйелер университетінің ректоры Баяхов Әліби Науханұлы, университеттің профессорлық-оқытушылық құрамы, студенттері, БАҚ өкілдері қатысты.
Шара барысында Экономикалық тергеу қызметінің оқу кабинеті салтанатты түрде ашылды. Университетіміздің ректоры ұжым атынан қонақтарға ризашылығын білдіріп, шараның мән-мағынасына тоқталды. Әрі қарай сөз сөйлеген Экономикалық тергеп-тексеру департаментінің басшысы Әбенов Асқар Ғабиденұлы және орынбасары Кенжебаев Жандос Садықұлы шараның мақсатын атап өтіп, Университет басшылығына қолдау білдіргені үшін зор алғысын білдірді. Мұндай оқу кабинетінің облысымызда ЖОО ішінде алғаш рет ашылып жатқандығын айтты. Университетіміздің оқу-ісі жөніндегі проректоры А.М.Аймаганбетова университетіміздің микробіліктілік (микроквалификация) бағдарламасы аясында болашақ экономикалық тергеу мамандарын даярлаудың маңыздылығына тоқталып, аталған департамент қызметкерлері мен университеттің профессорлық-оқытушылық құрамымен бірлесе оқыту үшін дайындалған бағдарлама дайындалғанын атап өтті. Сөз алған «Құқықтану» кафедрасының меңгерушісі Д.А.Журинов бірлесе жұмыс жүргізетіндігін жеткізіп, қонақтарға зор ықыласын білдірді. Студенттер тақырып бойынша қонақтарға сұрақтарын қойып, өз ойларымен бөлісті.
Жиын соңында Экономикалық тергеп-тексеру департаментінің басшысы Әбенов Асқар Ғабиденұлы мен Қазақстанның инновациялық және телекоммуникациялық жүйелер университетінің ректоры Баяхов Әліби Науханұлы өзара серіктестік және ынтымақтастық жөнінде меморандумға қол қойды. Қатысушылар естелік суретке түсіп, қуанышты көңіл күйде тарасты.

«Құқықтану» кафедрасы

{picturewrapper}{/picturewrapper}

Құрметті Әліби Науханұлы!

Сізді еліміздің жоғары мемлекеттік наградасы — «Құрмет» орденімен марапатталуыңызбен университет ұжымы атынан шын жүректен құттықтаймыз!

Бұл марапат – Сіздің көпжылдық еңбегіңіздің, ерен ұйымдастырушылық қабілетіңіздің және білім мен ғылым саласындағы абыройлы қызметіңіздің лайықты бағалануы.
Сіз өзіңіздің кәсіби біліміңізбен, бастамашылдығыңызбен, табандылығыңызбен және заманауи көзқарасыңызбен еліміздің жоғары білім жүйесінің дамуына зор үлес қосып келесіз.

Сіздің жетекшілігіңізбен университетіміз инновациялық даму жолына түсіп, жаңа биіктерді бағындыруда. Ұжым Сіздің үлгіңізбен алға ұмтылып, білім мен тәрбиенің сапасын арттыруда табысты еңбек етіп келеді.

Құрметті Әліби Науханұлы!
Бұл марапат – Сіздің ел игілігі жолындағы еңбегіңіздің, табандылығыңыз бен азаматтық ұстанымыңыздың айқын дәлелі.
Сізге зор денсаулық, қажымас қайрат, шығармашылық шабыт және жаңа жетістіктер тілейміз!
Еңбегіңіздің жемісі мол болып, табысыңыз еселене берсін!

{picturewrapper}{/picturewrapper}

 
«Цифрландыру және жасанды интеллект жағдайындағы инженерлік ғылым мен білімнің даму мәселелері мен болашағы»
тақырыбындағы
XVII Халықаралық ғылыми НАДИРОВ ОҚУЛАРЫНЫҢ пленарлық отырысы
2025 жылдың 10 қазаны, Орал қаласы.

2025 жылдың 10 қазанында «Атамекен» мәдениет сарайының Үлкен концерт залында XVII Халықаралық ғылыми НАДИРОВ ОҚУЛАРЫНЫҢ пленарлық отырысы өтті. Шара Қазақстанның инновациялық және телекоммуникациялық жүйелер университетінің құрылтайшысы, «Қазақстанның 100 жаңа есімі» ұлттық жобасының жеңімпазы, Қазақстан Республикасы Ұлттық инженерлік академиясының вице-президенті, академик Әйтімов Ақсерік Сарыұлының 75 жылдық мерейтойына арналды.

Ғылыми конференцияға Ақсерік Сарыұлы Әйтімовтің өзі модераторлық етіп, ауқымды форумға қатысушыларды жылы лебізімен қарсы алып, сәттілік тіледі. Конференцияның мақсаты – Мемлекет басшысы Қасым-Жомарт Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауы аясында инженерлік кадрларды даярлаудың өзекті мәселелерін талқылау, сондай-ақ инновациялық технологияларын дамыту мен игеру үшін тиімді диалог алаңын құру.

Конференцияға Қазақстан Республикасы Ғылым және жоғары білім министрлігі, Қазақстан Республикасының Ұлттық инженерлік академиясы, Батыс Қазақстан облысының әкімдігі, сондай-ақ қазақстандық және халықаралық университеттер ұйымдастырды. Конференцияға Қазақстаннан және шетелден ғалымдар, докторанттар, магистранттар, аспиранттар, ғылыми-зерттеу институттарының ғылыми қызметкерлері, жоғары оқу орындарының профессорлық-оқытушылар құрамы мен колледждердің оқытушылары, мектеп, лицей, гимназия мұғалімдері, жас зерттеушілер мен студенттер, қоғам қайраткерлері, атқарушы және заң шығарушы билік өкілдері, сондай-ақ жетекші бизнес өкілдері қатысты.

Конференция қатысушыларына құттықтау сөз мемлекет және қоғам қайраткері, Жоғары білім мен ғылымның ірі ұйымдастырушысы, ҚР Ұлттық инженерлік академияның Президенті, ҚР Ұлттық ғылым академиясының академигі, Қазақстан Республикасының ғылым, техника және білім саласындағы Мемлекеттік сыйлығының лауреаты, Қазақстанның еңбек сіңірген қайраткері, Қазақстан және Түркі әлемі Математиктері қоғамының (TWMS) Президенті, техника ғылымдарының докторы, профессор Бақытжан Тұрсынұлы Жұмағұлов сөйледі.

Одан кейін сөз кезегі Қазақстан Республикасының Ғылым және жоғары білім министрі Саясат Нұрбек пен Батыс Қазақстан облысының әкімі Нариман Төреғалиұлы Төреғалиевке берілді. Дегенмен, оның орнына облыс әкімінің орынбасары Қазақстан Республикасы Ғылым және жоғары білім министрі мен Батыс Қазақстан облысы әкімінің атынан құттықтау сөздерді оқып, құттықтау сөз сөйледі.

Келесі сөз кезегі химия ғылымдарының кандидаты, профессор, ҚР Ұлттық инженерлік академиясының академигі, «Мұнай және газ» журналы редакциялық алқасының мүшесі, Халықаралық инженерлік академиясының академигі (Алматы қаласы) Ариф Нәдірұлы Надировке берілді.
Құттықтау сөзін Әзірбайжан қорғаныс министрінің бұрынғы орынбасары, Әзірбайжан Қарулы Күштері Бас штабы Бас операциялық басқармасының бастығы генерал-майор Эльбрус Оруджев жасады. Өз сөзінде генерал-майор қонаққа шақырғаны үшін алғыс айтып, мәртебелі мейманды мерейтойымен жылы лебізімен құттықтады.
Құттықтау сөздерден кейін конференция өз жұмысын бастады. Темірбеков Нұрлан Мұқанұлы «Разработка прогнозно-поисковой ГИС для выделения рудоперспективных объектов методами искусственного интеллекта» тақырыбында, Шункеев Куанышбек Шункеевич «Жобаланған физика-химиялық және люминесцентті қасиеттерге ие болатын сілтілі галоидты қосындылар негізінде сцинтилляциялық кристалдарды өсіру технологиясын дамыту(жасау)» тақырыбында, Қарымсақов Тимур Сәдуақасұлы «Цифровизация интегрированного газохимического комплекса КРІ Inc.» тақырыбында, сондай-ақ, Қазақстанның инновациялық және телекоммуникациялық жүйелер университетінің ректоры, Қазақстан Республикасы Ұлттық инженерлік академиясының академигі Баяхов Әліби Науханұлы «Ғылым мен білім: Цифрлық технологиялардың даму жағдайындағы ҚР ҰИА Батыс Қазақстан филиалының Жастар қанаты» тақырыптарында баяндама жасады.
Пленарлық мәжіліс облыс пен еліміздің ғылыми және білім өміріндегі айтулы оқиғаға айналған және ғылыми ынтымақтастық пен конструктивті пікір алмасу жағдайында өтті. Конференция жұмысын секциялық отырыстар форматында жалғастырды.