Қазақстан инновациялық және телекоммуникациялар жүйелер университетінде Юрий Гагариннің космосқа ұшқанына 60 жыл толуына орай Қазақстан Ұлттық инженерлік ғылым академиясы, Ресейдің Орал қаласындағы Бас Консулы, Қазақстан және Ресей ғарыш агенттігі, Самара және Мәскеу ғалымдарының, еңбек ардагерлері, студенттер мен қаламыздағы мектеп оқушыларының қатынасуымен «БІЗДІҢ ГАГАРИН. БІЗДІҢ ҒАЛАМ» атты Халықаралық фотокөрменің тұсаукесері оздырылды.
Қонақтар мен қатынасушыларды "Қазақстан Республикасы маслихаттарының Құрметті депутаты", "Қазақстанның 100 жаңа есімінің иегері", академик А.С.Әйтімов, университет ректоры, ғалым-профессор Ә.Н.Баяхов, Ресейдің Орал қаласындағы вице-консуль В.А.Волков, еңбек ардагері Клара Саржанова, Х.Есенжанов атындағы облыстық кітапхана қызметкері С.С.Быков құттықтады.
Салтанатты шара доцент З.Т.Кенесариеваның "Байқоңыр - ғарышқа бастар жол " атты баяндамасымен ашылды.
"Ғарыш айлығы КазИИТУ-да " атты шараның жеңімпаз мектеп оқушылары, яғни М.Б. Иксанова атындағы № 36 мектеп оқушысы Исатаева Назерке, эстетикалық бағыттағы мектеп-гимназиясының 9 «Б» сынып оқушылары Алдибаева Камилла, Мельник Неля, Кенжигулов Демият және @it_school_life Ақпараттық технологиялар мектеп-лицей студенттері, @rvtk_07 Республикалық жоғары техникалық колледж студенттері Алғыс хаттар, бағалы сыйлықтармен марапатталды.
