1 мамыр күні Қазақстан инновациялық және телекоммуникациялық жүйелер университеті мен @oraljastary ”Жастармен жұмыс жөніндегі ресурстар орталығының” бірігуі арқылы танымал актер, әлеуметтік желінің тізгінін ұстаған белгілі блогер, өзіміздің жерлесіміз, "КазИИТУ" түлегі @zhahan_utargaliyev Отарғалиев Жаханмен кездесу өтті.
Карантин жүйесіне сай талаптарды ескере отыра өткізілген кездесу барысында Отарғалиев Жахан мырзаның өнердегі жолы, жетістіктері, отбасы туралы сөз қозғалды. Студенттер көкейлеріндегі сұрақтарды қойып, толық қанағаттанарлық жауап алды.
Сұхбат барысында Продюссерлік бағытқа қадам басқанын ашық жеткізді.
- “Жақында болатын жап-жаңа туынды жайлы айта келіп, кино 4 дос туралы болады. Сценарийі құрылып, актерлік құрам да дайын тұр. Енді түсірілімді жақын арада бастаймыз!” деді актер.
Кездесу соңында университет ұжымының атынан Жахан мырзаға жылы тілектер айтылып, сыйлықтар табысталды.
