Ағымдағы жылдың 4 желтоқсанында Қазақстан инновациялық және телекоммуникациялық жүйелер университетінде «Нұр Отан» партиясының қалалық филиалының мүшелері Исаева Ольга Алексеевна, Арыстанова Айнур Серикқызы, КазИИТУ ғылыми-білім кешенінің профессорлық- оқытушылар құрамы және ғылым саласында жетістікке жеткен студенттер қатысқан шағын конференция өткізілді.
Кездесуде 2019-2020 оқу жылындағы білім алушылардың START-UP, ATAMEKEN, NURІNTICH, ENACTUS жастар байқауларында жеткен жетістіктері сараланып, жастар мәселесі, облыстық гранттар, «Жәс кәсіпкер» жобасы аясындағы шағын несиелер жайында сөз қозғалды.
Жалпы техникалық пәндер кафедрасынан 6В07317 «Құрылыс материалдарын, бұйымдарын және құрастырылымдарын өндіру» блім беру бағдарламасының 3 курс білім алушысы Балмолды Қасиет Нұрланұлы қатысып, оқу жылындағы ENACTUS QAZAQSTAN NEXT GENERATION LEADERS FORUM форумы, Жастар жылы аясында «КазИИТУ» ғылыми-білім кешені мен Америка құрама штаты, Хьюстон университетімен бірлесе өткізген «Үш күнде миллиардтың стартабы», студенттер Альянсы корпоративтік қоры Батыс Қазақстан облысы жастар саясаты мәселелері басқармасының қолдауымен «START-UP» идеялар конкурсы, «Үздік студент-2019», «Үздік студент-2020», Альянс Студенттер Қоры «Үздік волонтер» байқауларындағы жетістіктерін баяндап, білім алушыларға арналған коворкинг, тренинг орындары, волонтерлерге арналған тегін штаб мәселесі, үздік спикерлердің онлайн-қашықтықтан мастер-кластарды жиі өткізуге ұсыныс тастады.
Аталған кездесу республиканың ғылыми әлеуетін жақсарту, білім алушылардың ғылыми жобаларын қолданысқа енгізу, мемлекет тарапынан нақты көмек көрсету мақсатында өткізілді.
