2017-2018 оқу жылының басында, дәлірек айтсақ 20 қазан күні сағат 11:30 да КазИИТУ кітапханасында «Дизайн» кафедрасы оқытушылары Абзал Асқарұлы және Алтын Бахытовнаның кітапхана қызметкерлерімен бірігіп ұйымдастырған «Дизайн және Құрылыс мамандықтары бойынша әдебиеттердің ашық көрмесі» атты шара өтті.
Бұл шараға Ж.Молдағалиев атындағы кітапханасыда шақырылған болатын.Оларда дизайн мен құрылысқа қатысты оқулықтарды алып келіп көрмеге қойды.Көрмеге университетіміздің «Дизайн», «Техникалық пәндер» кафедраларының студенттері және Экономика және ақпараттық технологиялар колледжінің құрылыс саласы бойынша оқитын студенттері қатысты.Көрмені КазИИТУ кітапханасы меңгерушісі Джумакаева Гульжан Тулегеновна сөз сөйлеп ашып, қаладағы қандай кітапханалармен келісім шарт бар екенін айтты.
Келесі сөз Ж.Молдағалиев атындағы кітапхана атынан қатысқан Гульсара Хамидулловнаға беріліп , ол алып келген оқулықтарын таныстырып,өз кінапханаларалының жұмыс кестесі және қандай бөлімдер бар екені жөнінде мәлімет берді.Содан соң «Дизайн» кафедрасының меңгерушісі Батырхан Бахытжанұлы сөз алып студент жастарға кітапхана этикасы, білім алу үшін кітапхананың маңызы туралы кеңінен әңгімелеп берді.Студенттер өз сұрақтарын қойып кітапхана қызметкерлерімен пікір алмасты, оқулықтарды қызығушылықпен тамашалады. Бұл көрме бүгінгі күнде барлық мәліметті интернет жүйелерінен іздейтін жастарға кітапхананың маңыздылығын насихаттаған,тәрбиелік мағынасы жоғары шара болды.
Автор: «Дизайн» кафедрасының оқытушысы Кумаргалиев Жаркын Хабибуллинович
