2025–2026 оқу жылының қысқы емтихан сессиясының қорытындысы бойынша Қазақстанның инновациялық және телекоммуникациялық жүйелер университетінің студенттері жоғары академиялық жетістіктер көрсетіп, өздерінің білімге деген ұмтылысын, жауапкершілігін және білімге құштарлығын дәлелдеп Қазақстан Республикасы Ғылым және жоғары білім министрлігінің білім беру гранттарының иегерлері атанды.
Студенттерімізді осы маңызды жетістіктерімен шын жүректен құттықтаймыз! Оларға оқуда жаңа табыстар, ғылыми әлеуетін толық жүзеге асыруға мүмкіндік, жаңа белестер мен жарқын жеңістер тілейміз. Білім беру гранттары болашақ жетістіктерге берік негіз болып, үлкен мақсаттарға жетуге жігер берсін!
