«Әкім бол, халқыңа жақын бол» деп қалың бұқара бекер айтпаған. Осы орайда, Орал шаһарының басшысы АБАТ АБАЙҰЛЫНЫҢ қатысуымен "ОРАЛ - ЖАСТАР КӨЗІМЕН" атты қала жастарымен кездесуі өтті.
Шаһар әкімі жастармен тамаша табиғат аясында дидарласты.
Жиынға облыстық және қалалық мәслихат депутаттары мен өнер мен спортта биік белестерді бағындырып жүрген жастар, еріктілер қатынасты.
Маусым айының алғашқы күнін ұстаздар еңбек демалысымен қарсы алса,балалар мерекемен қарсы алады.Тәуелсіздігіміздің 30 жылдығымен тұспа-тұс келген бұл атаулы күннің берекесі баянды бола берсін! Мамыражай тіршіліктің саясында бүр жарып, гүлдеп, өсіп келе жатқан жас бүлдіршіндерге жарқын болашақ тілейміз.
Бүгін – саяси қуғын-сүргін және ашаршылық құрбандарын еске алу күні.
31 мамыр – Қазақстан тарихының ең қайғылы беттерінің бірі - жаппай саяси қуғын-сүргін және миллиондаған адамның қаза болуына әкеп соққан ашаршылық.
Қуғын-сүргін жылдары ішінде Қазақстан аумағында құрылған лагерьлерге 5 млн астам адам жіберілді.
Қ.Р. Тәуелсіздігінің 30 жылдық мерейтойына орай мемлекет басшысы Қасым-Жомарт Тоқаевтың "Тәуелсіздік бәрінен қымбат" атты бағдарламалық мақаласын педагогтармен білім алушылардың арасында кеңінен насихаттау мақсатында өткен #"Қазақстанның_үздік_тарихшысы-2021" атты республикалық байқауға қатысып жеңімпаз атанған "Қоғамдық-гуманитарлық пәндер" кафедрасының доценті, аға оқытушы, тарих пәнінің мұғалімі КЕНИСАРИЕВА ЗИЯДА ТЕМИРОВНАНЫ шын жүректен құттықтаймыз!!!
Облыстық "Көңілді Тапқырлар Клубы" ойыншыларының шеберлігін арттыру мақсатында БҚО жастар саясаты мәселелері басқармасының қолдауымен «Ғасыр» жастар қоғамдық бірлестігі, КазИИТУ білім кешенінің Студенттер сарайында "Әзіл жазу техникасы" тақырыбында онлайн семинар-тренинг ұйымдастырды. Семинар-тренингті өңірімізге танымалы КТК ойыншысы, Қасиет Кәрім жүргізіп, ойыншыларға әзіл жазудың өзіндік техникасын үйретті.
Қаламызда Қазақстан Республикасы Тәуелсіздігінің 30 жылдығы қарсаңында Қазақстан инновациялық және телекомуникациялық жүйелер университеті, БҚО жастар саясаты мәселелері басқармасы және Орал қалалық жастар ресурстық орталығының ұйымдастыруымен облысымыздың өз саласында «үздік» деп танылған 18-40 жас шамасындағы білімді, білікті жастардың басын қосқан «БІЛІМДІЛЕР ДОДАСЫ» зияткерлік сайыс оздырылды.
